14 жашар кызынан айрылган эне президентке, өкмөт башчыга, Жогорку Кеңештин төрагасына жардам сурап кайрылды. Ал кызынын өлүмүнө күнөөлүүлөрдү жоопкерчиликке тартууну талап кылып жатат.
Эскерте кетсек, Бишкек шаарынын Көк-Жар кичи районунда сүрөткө түшөм деп көп кабаттуу турак-жайдын чатырына көтөрүлгөн 14 жашар кыз, пенопласт менен тосулган жерди басып алып, 10-кабаттан кулап түшкөн. Үй техникалык коопсуздук эреже сакталып салынганда, кызым тирүү калмак деген эне акыйкаттык издөөдө.