Ишмердүүлүгүндө өзгөчөлөнгөн кыргызстандыктар. Президент Садыр Жапаров 200дөн ашык адамга мамлекеттик сыйлыктарды тапшырды. Алардын арасынан 9 киши экинчи жана үчүнчү даражадагы “Манас” орденине татыса, өлкө жетекчисинин колунан “Данакер” жана “Даңк” медалдарын алгандар да болду.
Мындан тышкары, саламаттыкты сактоо, маданият, эл агартуу, экономика, курулуш, өнөр жай, байланыш, айыл чарба жаатында мыктылыгын көрсөткөндөр мамлекеттик сыйлык алышты.