Ирандын руханий лидери өзөктүк келишим боюнча ЕБге ультиматум койду

НТС

6 лет ago

In this picture released by official website of the office of the Iranian supreme leader, Supreme Leader Ayatollah Ali Khamenei attends a meeting with a group of school teachers in Tehran, Iran, Wednesday, May 9, 2018. Ayatollah Khamenei has challenged President Donald Trump over America pulling out of nuclear deal, saying: "You cannot do a damn thing!", a day after Trump announced he was renewing sanctions on Iran. (Office of the Iranian Supreme Leader via AP)

Ирандын руханий лидери Аятолла Али Хаменеи өзөктүк келишим боюнча Европага ультиматум койду.

Руханий лидердин сайтында европалык банктар Иран менен кызматташуусун улантып, Европа биримдиги иран мунайынын сатылышын кепилдеши керек деген талап жазылган. Андан тышкары Аятолла Али Хаменеи ЕБ өлкөлөрүнөн сүйлөшүүлөр маалында Ирандын ракеталык программасын козгобоону талап кылган. «Европалыктар биздин талаптарды аткарууга шашпаса, анда Иран өзөктүк активдүүлүгүн кайра баштоо укугун колдонушу мүмкүн», — деп белгилеген Хаменеи.

8-майда АКШ президенти Дональд Трамп Кошмо Штаттар Иран менен түзүлгөн өзөктүк келишимден чыга турганын жарыялаган. Көп өтпөй Вашингтон Тегеранга карата киргизилген санкцияларын кеңейткен. ЕБ өлкөлөрү, Орусия жана Кытай Трамптын бул чечимин сындап, келишимдин шарттарын аткара тургандыктарын билдиришкен.

Өзөктүк келишимге 2015-жылы АКШ, Кытай, Франция, Орусия, Британия, Германия жана Иран кол койгон. Ага ылайык, иран бийлиги өзөктүк программасын токтотуп, АКШ менен Евробиримдик Тегеранга каршы киргизилген экономикалык санкцияларын жойгон.