Чүй областындагы №2 абагындагылар эми өзү менен катар бир нече түрмөнү нан менен камсыздайт. Степное айылындагы аялдардын абагында наабайкана менен кагазды кайра иштетүүчү чакан ишканасынын ачылышы болду.
Ал жерде жалпысынан 30га чукул соттолуучу эмгекке тартылган. Жазаларды аткаруу мамлекеттик кызматы жакынкы арада бут кийим чыгаруучу дагы бир өндүрүш цехи ишке бериле турганын маалымдады.