Түндүк-Казакстан облусунда бийлик жыл соңуна чейин авариялык абалдагы жүздөгөн имаратты түрттүрөрүн билдирүүдө.
Облустук акимчиликтин жыйынында акимдин орун басары Антон Федяев былтыр текшерүү жүрүп, 1 122 авариялык абалдагы объект аныкталганын, анын ичинен 300дөйү түрттүрүлгөнүн, 17си кайра калыбына келтирилгенин маалымдады.
Быйыл 608 имаратты түрттүрүү маселеси каралууда.
Ал 2018-жылы 58 объектини ремонттоо пландалганын белгиледи. Петропавл шаарынын 7 районундагы 114 имараттын ээсине бир ай ичинде объектилердин коопсуздугун камсыздоо боюнча сунуш жөнөтүлгөн. Эгер талап аткарылбаса, 5тен 500гө чейин айлык эсептик көрсөткүчтөгү айып пул салынат.
Түндүк-Казакстан облусунун акими Кумар Аксакалов ээлери тарабынан калыбына келтирилбеген имараттарды түрттүрүү керектигин айтты.