Муну менен өлкөдө жаңы типтеги вирусту жугузуп алгандардын саны 94кө жетти. Аталган илдеттин алдын алуу боюнча Республикалык штабдан билдиришкендей, аныкталган бейтаптардын баары Жалал-Абад областынын тургундары.
29-мартта өлкө боюнча 26 адамдан коронавирус илдети табылган болчу. Алардын 13ү — Жалал-Абад, алтоо — Оштон, төртөө — Бишкек шаарында болсо, Чүй областынын 2 жашоочусу да коронавирус жугузуп алганы аныкталган. Жаңы типтеги вирус Нарын областында да катталды.