Кыргызстан менен Кытайдын ортосундагы бардык каттамдар токтотулганына 23 күн болду. Ал арада, ири базарларда товардын көлөмү кескин азайып, баасы жогорулаганы байкалууда.
Мисалы, кошуна өлкөдөн ташылган баклажандын баасы дээрлик 100 сомго көтөрүлгөн. Ошондой эле, фурнитура жана идиш-аяктар да кымбаттаган. Азырынча эки өлкө ортосундагы каттамдар качан толугу менен ачыла турганы белгисиз бойдон калууда.