Мурдагы өкмөт башчы Өмүрбек Бабановду бошотууну талап кылып, аны колдогон жарандар видео кайрылууларды жөнөтүшүүдө. Алар өткөн жылдагы пандемия маалында Бабановдун элге кылган жакшылыктарын көпчүлүктүн эсине салып айтып жатышат.
Ал өткөн жылы мейманкананы ижарага алып, коранавирус жуктуруп алган жарандардын бекер дарылануусуна жардам берген. Ошондой эле, ак халатчандардын эс алуусуна да өз чөнтөгүнөн каражат бөлүп, бардык шарттарды түзгөнү белгиленүүдө.