Спорт иштери боюнча арбитраждык сот (CAS) Олимп оюндарына катышууга тыюу салуу чечимин жокко чыгарууну өтүнгөн 42 орусиялык спортчунун кайрылуусу кабыл алынганын билдирди.
Швейцариядагы соттон доо арыздар 22-январда каралып, акыркы чечимди айдын соңунда кабыл алуу пландалып жатканын кабарлашты.
Эл аралык олимпиадалык комитет Орусия 2014-жылы Сочиде өткөн кышкы Олимп оюндарында кызытма программасын колдонгон деген чечим чыгарган.
Допинг колдонбогонун далилдеген орусиялык спортчулардын мелдештерге бейтарап желек менен катышуусуна уруксат берилген.
2018-жылкы кышкы Олимп оюндары Түштүк Кореянын Пхенчхан шаарында 9-25-февраль күндөрү өтөт.