Өзбекстан президенти ВИЧ-инфекциясынын жайылышына каршы чараларды күчөтүү тууралуу документке кол койду. Негизги иштердин бири – узак убакыттан бери чет өлкөдө жүргөн жарандар менен иштөө болуп саналат.
ВИЧ-инфекциясынын жайлышына каршы күрөшүү боюнча мамлекеттик программа кабыл алынды. Документте илимий иликтөөлөрдү өткөрүү, профилактикалык иштерди күчөтүү боюнча тест-системаларды түзүү каралган.
Мамлекеттик программага ылайык, оорулууларга антиретровирустук препараттарды сатып алуу үчүн каражат көбөйөт.
Илдетти жуктургандар социалдык коргоого алынып, ВИЧ-дарты бар энелерден төрөлгөн балдар кургак сүт менен камсыздалат.
ВИЧ-илдетин жуктуруп алышы мүмкүн деген кишилердин тобуна эмгек мигранттары жана алардын үй-бүлө мүчөлөрү дагы киризилди. Өзбек президенти дал ушул топтогу жарандар менен иштөө системасын бекитүүнү тапшырды.
Расмий маалыматтар боюнча Өзбекстанда 32 миңден ашуун киши ВИЧ-инфекциясына кабылган.