Транспорт жана жолдор министрлиги 2 айдан кийин чечими чыгып, документ Парламентке жөнөтүлөт деген божомолун айтууда. Процедураларды эске алуу менен мындай учурда акы алынчу жол 2022-жылдан тарта ишке кириши мүмкүн экен. Тарифти өкмөт аныктайт. Бирок алдын-ала жүргүзүлгөн эсеп боюнча, транспорттун жүрүшүнө жараша, чакырымына 2 сомдон 10 сомго чейин алынат. Тагыраак бул аралыктагы сапарга 146 сомдон 730 сом төлөнөт.
Мыйзам долбоорунун негиздемесине ылайык, акы алынчу жолдор сунушу колдоого алынса, өлкө бюджетине жыл сайын 2 миллиард сомго чейин акча түшөт экен. Транспорт жана жолдор министрлиги, бул каражат трассаны кароого жумшалып, жыл сайын бюджеттен дээрлик 3 миллиард сомду үнөмдөөгө мүмкүндүк берет деп ишендирүүдө.
Бул тууралуу маалыматты кенеңирээк НТСтин жаңылыктарынан көрө аласыздар.