Элчилерге жана мамлекеттик органдарга экологиялык дипломатияны күчөтүү боюнча жаңы милдеттер коюлат. Бул тууралуу президент Сооронбай Жээнбеков Тышкы иштер министрлигинин 75 жылдыгына арналган иш-чарада билдирди. Мамлекет башчынын айтымында, Кыргызстанда экологиялык таза өлкөнүн статусун сактоого жана өнүктүрүүгө, аны улуттук брендке айлантуу жаатында иштер жүрүүдө.
Экологиялык дипломатия жаратылышты коргоо, экологиялык кризистердин алдын алуу, айлана-чөйрөгө терс таасирин тийгизүүчү иш-аракеттерди болтурбоо багыттарында чет өлкөлөр менен эки жана көп тараптуу кызматташтык. Өлкө башчы дал ушул жаатта иш-чараларды иштеп чыгууну өкмөткө сунуштады.