70 миң кыргызстандык Россиянын Федералдык миграция кызматынын кара тизмесинде турат. Учурда алардын жарымы үчүн бул чектөөнү жоюуу боюнча аракеттер жүрүп жатат. Бул тууралуу Жогорку Кеңештеги Республика-Ата Журт фракциясынын отурумунда миграция кызматынын төрагасы билдирди.
Ошондой эле ал, ар бир алтынчы кыргызстандык чет өлкөлөрдө иштеп жүрсө алардын 80% Россияда экенин билдирди. Андан тышкары, Эл аралык миграция уюмунун өкүлдөрү, Кыргызстанда ички жер которуу да активдүү жүрүп жатканын айтышууда. Буга жер-жерлерде сапаттуу билим, медициналык тейлөөнүн жоктугу, жумушсуздук түрткү болуп жатат, дешет эксперттер.