Сууга чөккөн мектеп (видео)
1099
Бишкекте курулганына үч жыл боло элек мектеп урап калуу коркунучунда турат. №82-мектептин пайдубалы көчүп, полу чөгүп кеткендиктен, ата-энелер балдарын окууга жиберүүдөн кооптонуда. Алар билим берүү мекемесин жабууну талап кылып жатышат. Ал эми мектеп жетекчилиги имаратка эч кимди киргизбей, окуу жайдын абалын көрсөтүүдөн баш тартты. Кооптуу жагдайдан улам, жаңы салынган мектептин жер төлөсүндө билим алып жаткан башталгыч класстын окуучулары эски имаратка көчүрүлгөн. Курулуш компаниянын өкүлдөрү болсо имараттын бузулушуна мектеп администрациясы күнөөлүү дешет.