Кырсык жекшемби кечинде Бустон кыштагынын четинде, 15 жаштагы Махмадали менен 12 жаштагы Рустам Давлатов мал багып жүргөн маалда болгон.
Катуу шамал менен нөшөрлөгөн жамгырдан жашырынган үч өспүрүм бетон лотоктордун алдына киришкен. Бирок алар күтүүсүздөп кулап кетип, балдарды басып калган. Өспүрүмдөрдүн бири аман калган, бирок дарыгерлер анын абал оор экенин айтышууда.
Жергиликтүү тургундар билдиришкендей, нөшөрлөгөн жамгырдан улам аймакта сел жүргөн. Анын кесепетинен Бустон айылында бир нече турак үй жабыркап, айыл-чарба жерлери баткак алдында калган.
Бул акыркы бир нече күн ичинде өспүрүмдөр каза болгон Тажикстандагы экинчи кырсык болууда. 28-апрелде Рашт районунда сүрөткө түшүүгө аракет кылган эки өспүрүм кыз Сурхоб дарыясына агып кетишкен.
