1,5 миң шам менен согушта курман болгондор эскерилди (видео)
919
Биздин эсибизде! Бул сөздөр 1,5 миң жандырылган шам менен Бишкектин Жеңиш аянтында жазылып, Улуу Ата Мекендик согушта курман болгондор эскерилди. Иш-чараны «Ветерандар 365» коомдук фонду уюштуруп, акцияга ыктыярчылар жана шаар тургундары келип катышышты. Эскерүү иш-чарасында 1418 шам күйгүзүлдү. Себеби Улуу Ата Мекендик согуштун катышуучулары туура 1418 күн дегенде душмандын мизин кайтарышкан. Шам жандыруу акциясы күн батканда башталганына карабастан, бул иш-чарага бардык курактагы шаардыктар катышышты.