Залкар жазуучу Чыңгыз Айтматовдун 90 жылдык мааракеси, өткөн жумада Талас жергесинде белгиленди. Манас ордо комплексине 100го жакын боз үй тигилген. Жазуучунун урматына өткөрүлгөн тойдун чыгымын жергиликтүү эл өзү көтөрүп, ага 7 миллион сомго жакын каражат сарпталган.
Иш-чаранын жүрүшүндө ар түрдүү улуттук оюн-зооктор уюштурулуп, Чыңгыз Айтматовдун чыгармаларынын негизинде чакан спектаклдер коюлду. 90 жылдык маарекеге Жогорку Кеңештин өкүлдөрү, жазуучунун үй-бүлөөсү жана жергиликтүү тургундар күбө болду.