Ошондой эле, «Чоң-Капка» автоунаа бекетинде 70 жеңил автоунаа менен 30га жакын жүк ташуучу автоунаа чек арадан өтө албай турушканы маалым болду. Ал эми «Акжол», «Чалдыбар», «Токмок» жана «Кең-Булун» чек ара бекеттеринде жарандардын жана унаалардын тыгыны жок экени белгиленди. Кыргызстандын чек ара кызматынын билдирүүсүнө караганда, унаалардын топтолуусуна Казакстан тараптын кылдат текшерүүсү себеп болууда.
Эске салсак, мындай көрүнүш 19-марттан тарта пайда болгон. Маалыматка караганда, казак тарап бир саатта 4-5 жүк ташуучу автотранспортту өткөрүүдө. Текшерүү күчөтүлгөнгө чейин «Ак-Тилек — Автожол» постунан күнүнө 400гө чейин жүк ташуучу автоунаа өтүп турган.
Бул тууралуу маалыматты кенеңирээк НТСтин жаңылыктарынан көрө аласыздар.