Тышкы иштер министрлиги Кыргызстанда соттолгон адам менен президент расмий түрдө жолугуп, ачык мамиле түзүп жатканына нараазычылыгын билдирип, каршылыгын жазган. Ошондой эле, Беларусь бийлигин бул кырдаал боюнча кадамдарын өзгөртүп, эки тараптуу кызматташууну алдыга жылдыруу үчүн кылдат мамиле жасоого чакырды. Кыргызстан тарап бул жолугушууда мамлекеттик символикаларды колдонуу жана эки өлкөнүн достугун белгилөө такыр туура эмес деп эсептейт. Ошондой эле ал эки мамлекеттин кызматташтык жана достук мамилесинин принциптерине дал келбей турганын белгилеген.
Курманбек Бакиев 2010-жылы апрель коогалаңында Кыргызстандан качып кеткен бойдон үй-бүлөсү жана бир туугандары менен Беларустун борбору Минск шаарында жашайт.
Бул тууралуу маалыматты кенеңирээк НТСтин жаңылыктарынан көрө аласыздар.