Азия оюндары: Бекназар Райымкул уулу алтын медалга ээ болду (видео)
1048
Бешинчи Азия оюндарында кыргызстандык Бекназар Райымкул уулу самбо боюнча чемпион наамын алды. Ал эми жалпысынан биздин самбочу балбандар Кыргызстандын курама командасынын куржунуна 6 байге салышты. Алардын эсебинде 1 алтын, эки күмүш, 3 коло медаль бар. Муну менен Кыргызстан курамасы, Ашхабаддагы Бешинчи Азия оюндарында медалдардын санын 48ге жеткирип, байгелер эсебинде, биздин команда он биринчи болуп келе жатат. Эскерте кетсек, Азия оюндары 2 күндөн кийин жыйынтыкталат.