Трасса жабык бойдон калууда. Качан ачылары белгисиз. Учурда тазалоо иштери уланууда. Бул тууралуу Өзгөчө кырдаалдар министрлигинен кабарлашты. Жаратылыш кырсыгы катталган жерге 11 атайын техника тартылган.
13-мартка караган түнү Чычкан капчыгайында көлөмү 2,5 миллион кубга жеткен кар түшүп, стратегиялык маанидеги жол үч күнгө жабылаары кабарланган. Бирок 14-мартта, 15-мартта дагы көчкү түшүп абалды ого бетер оорлотууда.
Учурда «Сосновка», «Арал» бекеттеринде 300гө жакын автоунаа турат.