Кыргызстан боюнча 37 окуучудан коронавирус аныкталды. Анын 13ү Бишкек шаарында билим алгандар. Буга байланыштуу ордо калаадагы 10 мектептин айрым класстары карантинге жабылды. Анда окуган балдар-кыздар аралыктан билим алууга өтүштү.
Эгерде ооруп калган окуучулардын саны көбөйүп кетсе, анда дал ошол мектеп 14 күнгө жабылары эскертилүүдө. Бишкек шаардык мэриясы ата-энелерге кайрылып, балдары илдетке чалдыкса аны мектепке же бала бакчага жибербей турууну өтүнүүдө.