Бүгүн Бишкекте президенттин катышуусунда жаңы жылдык балаты майрамы болду. Улутук филармонияда өткөн иш чарага өлкө боюнча 1100 бала чакырылган.
Президенттик балатыга окуунун мыктылары, республикалык олимпиаданын жеңүүчүлөрү, аз камсыз болгон үй-бүлөнүн балдары, өлкөгө көчүрүлүп келген этникалык кыргыздардын уул-кыздары, эл аралык мелдештерде жеңишке жетишкен жаш спортчулар, Дача СУдагы авиакырсыкта жабыркагандардын балдары катышты.
Майрамга өлкө жетекчиси жубайы Айгүл Токоева менен келди.