Султан Жумагулов менен коштошуу зыйнаты Кыргыз мамлекеттик драма театрында өтүп, өкмөт башчысы, президенттин аппаратынын жетекчиси, Жогорку Кеңештин депутаттары, коомдук ишмерлер, Султан Жумагуловдун санаалаштары жана жакындары катышты.
Анын сөөгү “Ала-Арча” көрүстөнүнө коюлуп, президент Сооронбай Жээнбеков топурак салды. Маданият министри, белгилүү журналист Султан Жумагулов 8-октябрь таңга маал көз жумган. Ал акыркы убакта онкологиялык дарттан жабыркап жүргөн.
Султан Жумагулов Нарын областынын Ат-Башы районунда туулган. Кыргыз мамлекеттик университетин журналистика адистиги боюнча бүтүрүп, республикалык басылмаларда иштеп, кийин Би-Би-Си, «Азаттык», ЭлТР, КТРКда жетекчилик кызматтарды аркалаган. Султан Жумагулов 59 жашта болчу.