Бүгүн Кыргызстан менен Сириянын курама командалары беттешет
765
Бүгүн саат 20:00дө, Бишкектеги Долон Өмүрзаков атындагы стадиондо Кыргызстандын футбол боюнча Улуттук курама командасы Сириянын оюнчулары менен беттешет. Бул таймаш кийинки жылы өтө турган Азия Кубогуна тандоо турунун алкагында өтүүдө.
Буга чейин, 6-сентябрда Кыргызстан менен Палестинанын командалары беттешип, таймаш 1:1 эсеби менен аяктаган. Ошол эле күнү өткөн Сирия менен Өзбекстандын курамаларынын беттеши да ушундай көрсөткүч менен жыйынтыкталган болчу.
Эске салсак, буга чейин Кыргызстан менен Сириянын футболдук командалары 5 жолу беттешип, эки тарап тең эки жолудан жеңишке жетип, бир жолкусунда теңме-тен чыгышкан.
