Кыргызстандын мурдагы президенттеринин инаугурациялары эмнеси менен эсте калган? Тарых барактарына көз чаптырсак, буга чейин өлкөнү төрт президент башкарып, жети жолу ант берүү аземи болгон. Сап башында Аскар Акаев турат. Ал 3 жолу өлкө башчылыгына шайланып, 3 жолу инаугурация өткөргөн. Курманбек Бакиев болсо, такка отуруу салтанатына эң ири каражат сарптаган президент катары белгилүү. Өткөөл мезгилдин президенти Роза Отунбаева — 2010-жылы референдум аркылуу шайланып, бир жарым жылдан кийин кызматын өткөрүп берген. Кыргызстанды алты жыл жетектеген Алмазбек Атамбаевдин инаугурациясы — 2011-жылы өткөрүлгөн.
Экс-президенттердин инаугурациясы кандай өткөн? (видео)
