Кир жуучу машина иштеткенде, чай кайнатпай тур же муздаткычты өчүр. Жарыкты үнөмдөө максатында “Түндүк электр” ишканасы «акылдуу эсептегич» коюлган абоненттерге чектөө киргизди. Эми керектөөчүлөр 5 киловаттан 10 киловатка чейин электр жарыгын эсептеп колдонуусу зарыл. Болбосо электр энергиясынын кубаты жетпей, эсептегич автоматтык түрдө өчүрүлөт.
Мындай чектөө Токтогул гидроэлектрстанциясындагы суунун көлөмү көбөйгөндүктөн кийин алынышы мүмкүн, — дешет мекеменин өкүлдөрү. Учурда аталган ГЭСте 12 миллиард метр кубга жетпеген суу бар жана бул акыркы жылдардагы эң төмөнкү көрсөткүч.