Ирактан Кыргызстанга алып келинген балдардын көпчүлүгүн энелери Багдад шаарындагы түрмөдө жазасын өтөөдө. Арасында өмүр бою эркинен ажыратылгандар да бар. Бишкекке жеткирилген 2ден 18 жашка чейинки балдар-кыздар учурда реабилитациядан өтүп жатышат. Андан соң, алар жакын туугандарына өткөрүлүп берилет.
Ал эми Россияда өрт кырсыгынан каза тапкан 2 жеткинчектин сөөгү кичи мекени Базар-Коргон шаарына жеткирилип, жерге берилди. 5 жана 8 жаштардагы бир туугандар 6 күн мурда Россиянын Сургут шаарындагы үйлөрдүн биринде чыккан өрттөн каза болушкан.