Маалыматтарга караганда, Жаңы-Алай айылындагы мектепте 4-класстын окуучулары сабак учурунда башы айланып, жергиликтүү дарыгерлер чакырылат. Алар балдардын абалына кооптонуп, областтык ооруканага жөнөтүшкөн. 3 окуучу реанимация бөлүмүнө жаткырылган.
Мектеп авариялык абалда. Ар бир класста меш жагылып, көмүр колдонулат. Мугалим менен балдар сабак учурунда ууланышкан. Бул мектептин имараты 1973-жылы сарай үчүн салынган. Андыктан ал жакта жылытуу системасы жок. Жаңы мектеп курууга 45 миллион сомдук долбоор даярдалган. Төрт жыл мурда болгону 3 миллион сом бөлүнүп, ага котлован казылып иш ошол бойдон токтоп турат.
Бул тууралуу маалыматты кенеңирээк НТСтин жаңылыктарынан көрө аласыздар.