Россиянын Мамлекеттик Думасынын транспорт жана курулуш комитетине Кыргызстандык жарандарга өз өлкөсүнүн улуттук айдоочулук күбөлүгү менен иштөөгө тыюу салуу боюнча мыйзам долбоору жөнөтүлдү.
Документтин демилгечилери Россиянын либерал-демократиялык партиясынын депутаттары Игорь Лебедев менен Ярослав Нилов. Россиянын эл өкүлдөрүнүн мындай кадамга баруусуна Кыргызстан Октябрь революциясы күнүнүн ордуна, Тарых жана ата-балаларды эскерүү күнүн белгилөө тууралуу чечим кабыл алышы себеп болуптур.
Эске салсак, быйыл Россияда 1-июндан тарта башка өлкөнүн айдоочулук күбөлүгү менен иштөөгө тыюу салынган. Анда бир катар кыргызстандыктар жумушсуз калган болчу. Бирок 2 айдан кийин президент Владимир Путиндин чечими менен кыргызстандык жарандарга улуттук айдоочулук күбөлүк менен иштөөгө уруксат берилген.