78 жашында дүйнө салган кинорежиссер, СССРдин жана Кыргыз ССРинин Эл артисти Болот Шамшиевди акыркы сапарга узатуу зыйнаты Опера жана балет театрында өтөт. Маркумдун сөөгү «Ала-Арча» көрүстөнүнө жерге берилет. Совет доорунда Чыңгыз Айтматовдун жана башка жазуучулардын чыгармаларын экрандаштырган талантту режиссердун эмгектери кыргыз элинин түбөлүк эсинде калды.
Ал «Караш-Караш окуясы», «Ысык-Көлдүн кызгалдактары», «Ак кеме», «Сүйүү жаңырыгы», «Эрте келген турналар» өңдүү көркөм тасмаларды жаратып, «Кыргыз кереметинин» жаралышына салым кошкон инсан катары белгилүү.