Эми Кыргызстанда телеканалдардын рейтинги атайын ыкма менен аныкталат. Тактап айтканда, өлкөдө телеканалдардагы программалардын кайсы аймактарды, элдин кайсы катмарын камтыганын аныктоочу система иштей баштайт. Ал үчүн Бишкек, Ош жана Жалал-Абад шаарларында 200 үй-бүлө тандалып, алардын сыналгыларына атайын жабдыктар орнотулат.
Мунун жардамы менен кайсы телекөрсөтүүлөр калк үчүн кызыктуу экени аныкталат, дешет долбоордун уюштуруучулары. Бул өз кезегинде телекөрсөтүүлөрдүн сапатынын жакшырышына шарт түзөт дешет адистер.