Тыштан алынган насыялар менен гранттар ысырап колдонулууда. Бул тууралуу жарандык активисттер, депутаттар айтып чыгышты. Алсак, жаңы ишке кирген кодекстерди жазууга 13,6 миллион евро бөлүнүп, анын 90 пайызы консультанттардын маянасына, тегерек-стол, кофе-брейктерге сарпталганы маалым болду. Бишкек ЖЭБин модернизациялоого алынган 386 миллион доллар насыянын коротулушу боюнча да көп фактылар чыгууда.
Эми болсо, активисттер экологияны жакшыртууга алына турган каражаттар чар-жайыт пайдаланышы мүмкүн деп коңгуроо кагышууда. Анткени документте бир эле эксперттин жылдык маянасы 42 миң евро деп көрсөтүлгөн. Кыргызстан эгемендүүлүк алгандан бери тыштан келген насыя-гранттар кандай сарпталган?