«Манас» эл аралык аба майданында Кытайдын Үрүмчү шаарынан учуп келгендер текшериле баштады. Буга кошуна өлкөдө чыккан вирустун өтө ылдамдык менен тарап жатышы себеп болууда. Учурда аэропортто Саламаттыкты сактоо министрлигинин санитардык-карантиндик пунктунун кызматкерлери иштеп жатышат.
Ошондой эле, Кыргызстан Кытай менен чек арасындагы өткөрмө бекеттеринде санитардык көзөмөлдү күчөттү. Ал арада 9 адамдын өмүрүн алган коронавирус Кытайдын чегинен тыш жайылып, АКШга чейин жеткени белгилүү болду.