Жайкы эс алууну пайда менен өткөрүү. Бишкектеги мектептердин алдында лагерлер иштей баштады. Мындай жайлар балдарын шаардан тышкары эс алууга жөнөтүүгө мүмкүнчүлүгү жок ата-энелерге жеңилдик болсун деп уюштурулган.
Лагерде окуучулар үчүн ар багыттагы ийримдер каралган. Буга кошумча ар бир күн жаратылыш, суу, тарых, китеп окуу сыяктуу темаларга бөлүнгөн. Ошондой эле, балдар Улуттук каада-салттар менен тааныштырылат.