Мирсулжан Намазалиев талапкерлерге бирдей мамиле кылууну талап кылды
1185
Бир топ мамлекеттик органдар, Боршайком жана Коомдук телеканал оппозициялык талапкерге каршы иштеп, ал эми бийликтин кандидатына жан тартып жатат. Бул тууралуу бүгүн Өмүрбек Бабановдун штабы тараткан билдирүүдө айтылат. Президенттикке талапкердин кеңешчиси маалымат жыйын өткөрүп, акыркы убакта оппозициялык кандидатка каршы жасалып жаткан иштерге токтолду.
Мирсулжан Намазалиев атайын кызматты, Борбордук шайлоо комиссиясын мыйзам чегинде иш алып барууга чакырып, талапкерлерге бирдей мамиле кылууну талап кылды. Ал эми коомчулукту оппозициялык талапкерге карата жасалган чагымчыл аракеттерге, кара пиарга ишенбөөгө үндөдү.
