Кыргызстанга россиялык «Спутник V» вакцинасынын 20 миң дозасы жеткирилди. «Манас» эл аралык аэропортуна атайын учак менен келген жүктү тапшыруу аземине Россиянын Кыргызстандагы элчиси Николай Удовиченко жана биринчи вице-премьер Артём Новиков катышты.
Бүгүн алынып келген партиянын бир дозасы 10 доллардан айланганы белгиленди. Өлкө жалпысынан «Спутник Vинин» 1 миллион дозасын алуусу пландалууда. Анын тең жарымы гуманитардык жардам катары берилет.