Орусиялык хакерлер АКШнын аскер-өндүрүш компанияларына чабуул жасады
Орусиялык хакерлер АКШнын Коргонуу министрлиги менен кызматташ ири компаниялардын маалыматтарын алган. Ракеталарды, учкучсуз учактарды жана истребителдерди жасоочу 90го жакын кызматкер чабуулга учураган. Бул тууралуу Associated Press агенттиги кабарлады.
Хакерлер бутага алгандардын арасында Boeing менен Airbus баштаган көптөгөн ири компаниялар бар. Кызматкерлердин жарымы хакерлердин жалган каттарын ачып окуган. Алар кандай маалыматтарды уурдап кетишкени белгисиз. Бирок документтердин көбү жашыруун сакталып келген.
Associated Press маалыматына караганда, чабуулга Fancy Bear тобунун тиешеси бар. АКШнын атайын кызматы аны 2016-жылы америкалык шайлоого аралашты, Кремлге кызмат кылат, деп айтыптаган. Москва хакерлерди колдой туурганын жокко чыгарып келет.
Айрым талдоочулар уурдалган маалыматтар Орусияга учкучсуз учактарды иштеп чыгууга көмөктөшөт, деп эсептейт.
