Өзбекстан Кыргызстандан картошка сатып ала баштады

944

Өзбекстан менен түзүлгөн жаңы келишимге ылайык, коңшу өлкөнүн жеке компаниялары Кыргызстандан картошка сатып ала баштады. Бул тууралуу өлкөнүн айыл чарба министри Нурбек Мурашев билдирди.

«Беш миң тонна картошка жеткирүү боюнча келишимдерге кол коюлду. Мындан тышкары онго жакын компания келишимсиз түз сатып ала алышат. Биз аларга тиешелүү шарттарды түзүп беребиз», — деди министр.

Учурда картошка сортуна карап 5,5-7,5 сомдон сатылууда.

Казакстан 19-февралда Кыргызстандан жана Өзбекстандан азык-түлүк алып кирүүгө убактылуу тыюу салган. Фитосанитардык чектөө картошкадан сырткары алмага, курмага жана Өзбекстандын анарына да коюлду. Казак тарап мындай чечимди эки өлкөдөн келип жаткан азыктардан карантинге алынган курттар чыгып жатканы менен негиздеген.

Бул маселени чечүү максатында кыргыз-казак премьер-министрлери Мухаммедкалый Абылгазиев менен Аскар Мамин 23-февралда телефондон байланышып, Астана шаарында өкмөт аралык сүйлөшүүлөрдү өткөрүү тууралуу макулдашкан.

Министрдин айтымында, Казакстанда өкмөт башчы жаңыдан дайындалганына байланыштуу кыргыз делегациясынын Астанага барышы бир-эки күнгө жылдырылды.

Бул тууралуу маалыматты кенеңирээк НТСтин жаңылыктарынан көрө аласыздар.