Буга чейин эки өлкө жетекчилери Өзбекстандагы ири ишканалардын жумушчуларын Ысык-Көлдө эс алдыруу боюнча макулдашкан.
Кыргызстан менен Өзбекстандын ортосундагы саясий мамиле оңолгону эки өлкөдө бири-бирине саякаттагандар көбөйдү. Быйыл жыл башынан бери Ташкент-Бишкек-Балыкчы поезд каттамын жүргүзүү макулдашылган. Аба каттамдары да көбөйүп, Ташкент-Тамчы учагы каттап жатат. Күн алыс Бишкек-Ташкент багытында автобус да жүрө баштады.
