Путин Сирияда жаралган кырдаалга байланыштуу Москва кабыл алган чечимди адекваттуу деп эсептесе болорун белгиледи. Кремль Израилдин Аскердик аба күчтөрүнүн аракеттеринен улам Сирияда орусиялык Ил-20 учагы кыйрап, экипаждын 15 мүчөсү өлдү деп эсептейт.
Нетаньяху С-300 комплекстерин “жоопкерчиликсиз кишилерге” берүү – аймактын коопсуздугуна терс таасир тийгизет деп эсептейт. Премьер-министр Израиль өз кызыкчылыктарын коргоону улантарын белгиледи.
АКШ президентинин коопсуздук боюнча катчысы Жон Болтон Сирияга С-300 зениттик ракеталык комплекстерди берүү менен Орусия аймактагы абалды курчутарын айткан. Ал Москванын мындай кадамын “катачылык” деп атаган.
Россия эки жума ичинде Башар Асаддын армиясына С-300 зениттик ракеталык комплекстерин берери маалымдалган. Бул тууралуу коргоо министри Сергей Шойгу 24-сентябрда билдирген. Мындай чечим Кремль бир жума мурда Сирияда орусиялык Ил-20 учагынын кыйроосуна Израилди айыптаган окуядан кийин кабыл алынган.
Мындан тышкары орусиялык учактарды аныктоочу автоматташтырылган башкаруу системалары да жеткирилет.
