Сириянын Ракка шаары экстремисттерден бошотулду

716

Сирияда АКШ колдогон күчтөр Ракка шаарын “Ислам мамлекети” радикал тобунан толугу менен кайтарып алышты.

Шаарды бошотууга катышкан Сириянын демократиялык күчтөрүнүн башчысы Ройд Фела учурда күрт жана араб жоокерлери шаар стадионунун айланасын миналардан тазалап жатканын айтты. Раккадагы жеңиш тууралуу шаар миналардан жана «Ислам мамлекетинин» тарапташтарынан толук тазалангандан кийин расмий жарыяланат.

«ИМ» тобу 2014-жылдагы жеңиштеринен кийин параддарды өткөргөн Ракканын алынышы жихадчылар кыймылынын кыйроосунун символу болуп калды. Быйыл «Ислам мамлекети» басып алган Сирия жана Ирактагы аймактарынын көбүнөн, анын ичинде Мосул шаарынан айрылды. Сирияда жихадчылар чөлгө жакын Ефрат өрөөнүнө сүрүлдү.