Ташкент-Тамчы-Ташкент аба каттамы 6-сентябрга чейин каттайт
664
Бүгүнтөн тарта Ташкент-Тамчы-Ташкент каттамы кайрадан жанданат. Бул тууралуу Кыргызстандын Өзбекстандагы элчилигинен кабарлашты.
Ага ылайык, учак 6-сентябрга чейин апта сайын бейшемби күндөрү каттап турат. Авиакаттам «Өзбекстан аба жолдору» ишканасы менен бирге жүргүзүлөт.
Эске салсак, Ташкент-Тамчы аба каттамы былтыр да иштеп, бирок жүргүнчү аз болгондуктан, каттам өзүн актабагандыктан июль айынын ортосунда токтотулган.
Мындан сырткары жыл сайын жайында Өзбекстандан Ташкент-Балыкчы поезд каттамы иштей баштайт.
Бул тууралуу маалыматты кенеңирээк НТСтин жаңылыктарынан көрө аласыздар.
