Балдары ВИЧ илдетине кабылган энелер өкмөт үйүнүн алдында митинг уюштурушту. Жалпысынан 20 аял Ноокат районунан жана Ош шаарынан Бишкекке келген. Алар өздөрү менен кошо 2006-2007 жылдары ооруканаларда ВИЧ оорусу жуккан балдарын да ээрчите келишкен. Энелер аларга тиешелүү көңүл бурулбай жатканын айтып наарызы.
Келгендерден 4 аялды вице-премьер министр Алтынай Өмүрбекова кабыл алды. Ошондой эле, тиешелүү мамлекеттик органдардын өкүлдөрүнөн турган атайын топ энелер менен жолугушту. Балдары айыккыс ооруга кабылган аялдар өкмөткө бир нече талаптарды коюшту.