Бул тууралуу саламаттык сактоо министринин орун басары Нурболот Үсөнбаев билдирди. Анын айтымында, дагы кошумча 80 аппарат талап кылынууда. “Ушул күнгө чейин «Ас-Сафа» жана «Сорос» фонддору аркылуу өлкөгө 4 жасалма дем алдыруучу аппараты сатып алынган. Алардын бирөө Республикалык жугуштуу оорулар ооруканасына, бир аппарат Баткен облусуна, бирөөсү Токмок шаарына жана бир аппарат Жалал-Абад шаарына берилген”, — деди ал.
Белгилей кетсек, Кыргызстанда 14-апрелге карата коронавирус жуктурган 11 жаңы учур катталды. Азыркы тапта өлкөдө коронавирус жуктурган учурлардын саны 430га жетет. Алардын ичинен 71 адам коронавирустан айыгып, ооруканадан чыгарылган. Коронавирус жуктурган 5 адам каза болду.
Бул тууралуу маалыматты кенеңирээк НТСтин жаңылыктарынан көрө аласыздар.